— 11 —
bentak katanja :
„Hei Setan alas dari mana soeda begitoe brani mengadep di medan perang dengen memboeta-toeli?“
„Ketahoeilah, akoe ini Jan Kok ampoenja Hoe Ma, Soen Tjho.“ djawabnja dengen soeara tiada koerang sengitnja, „dan kaoe siapa nama ?“
„Tjin Kok ampoenja panglima paling besar atawa Boe An Koen, Pek Kie,“ saoet si panglima Tjin dan berbareng sigra maenken iapoenja gegaman perang langsoeng menerdjang sang moesoe.
Soen Tjho poen dengen tjepet laksana kilat menjamber, sigra lakoeken perlawanan seroe, hingga sekoetika mana, kedoea panglima keliatan saling berantem dengen seroe.
Berperang sampe anempoeloe djoeroes lebi, masi djoega belon tertampak menang-kalanja, mendadak di satoe saät Pek Kie dengen kedoea tangannja melintangken iapoenja toembak, memegat begitoe roepa orang poenja golok jang lagi toeroen membatjok.
„Ha!“ kata Soen Tjho dengen ketawa menjindir, „adakah kaoe merasa djeri bertempoer teroes?“
„Boekan katanja begitoe,“ djawab Pek Kie,
