ngan terlaloe lama, fihak moesoe nistjaja bisa lantas terpoekoel antjoer.“
Mendenger ini perkataān, radja Jan djadi merasa amat boengah di dalem hati dan di sitoe djoega baginda telah anoegrahken tiga tjawan mas penoe arak, berikoet tiga tangke kembang emas sebagi tanda pembrian slamet.
Sesoeda itoe, dengen menghatoerken trima kast, Soen Tjho lantas berpamitan dan berlaloe dari hadepan Jan Ong, kemoedian langsoeng membawa iapoenja kedoea poetra toeroen ka lapangan besar, siapken balatentara selengkepnja, aken itoe hari djoega teroes brangkat madjoe dengen keadaān serba sampoerna. Bendera-bendera tertampak berkiberan pergi-dateng, gembreng dan tamboer saling-saoet mendengerken soearanja jang santer. Begitoe rapet kelitatannjan sendjata-sendjata perang jang berderekan sepandjang djalan, sedeng soldadoe-soldadoe berkoeda djalan madjoe samboeng-menjamboeng laksana mega jang pandjang. Tiga kali soeara bom menderoeh keras, membikin langit seolah-olah berdoeka dan boemi seaken-aken merinti. Apalagi itoe ketiga panglima dari satoe koelawarga, rata-rata tertampak kekosenannja jang haroes dipoedji tinggi, sedeng memimpin pasoekan-pasoe-
