— 7 —
sendjata menjerang pada Tjin sebelonnja fihak moesoe mendapet tjoekoep kesempetan oentoek bersiap.“
„Bagoes!“ bersabda poela Jan Ong, „Keng poenja pikiran ada djitoe sekali. Aken tetapi, djika sekarang kita moesti pergi labrak negri Tjin, siapakah jang boleh dipertjajaken memimpin pasoekan besar?“
„Sin sendiri,“ saoet Soen Tjho dengen semangat penoe, „ja, dengen segenapnja hati Sin soeka mengepalaken 50.000 balatentara oentoek sekoetika memoekoel antjoer itoe moesoe jang tjongkak.“
—„Aken tetapi, kami denger fihak Tjin mempoenjai tjoekoep banjak panglima-panglima jang ternama, maka tiada-boleh-tiada menaro kekoeatiran djoega, jang Keng dengen sendirian bakal tiada harepan boeat bisa perolehken kemenangan setjara moedah.“
—„Biarlah boeat ini, radjakoe boleh traoesa berkoeatir sampe begitoe djaoe. Sin poenja anak-anak, Liong dan Houw, djoega mempoenjai kemampoean dan tenaga jang tiada ketjelahan. malah sedikit-banjak poen namanja marika soeda terkenal kosen di sana-sini. Dari itoe, Sin rasa tjoekoep dengen hanja membawa sadja itoe kedoea anak, kemoedian dengen zonder lakoeken pepra-
