-479-
lan tiga atawa ampatpoeloe djoeroes, Gouw Kaij dan Ma Seng sigra djoega berbareng balıkin kepala koedanja dan melariken diri dengen tjepet dari sitoe; samentara Lie Bok bersama Tok Kho Tan selakoe kalap ada mengedjer dari blakang.
Betoel di itoe tempo, Soen Pin soeda batja tapoenja doaån Liok Kak Leng Boen. jang dalem sekedjapan sadja langit soeda tiada bertjahaja dan boemi gelap goelita, membikin Lie Bok dan Tok Kho Tan am-poenja hati djadi bingoeng serta pikiran kaloet. Dalem keadaan begitoe, sekoenjoeng-koenjoeng marika merasaken badannja se olah-olah ada terangkat naek ka atas oedara, sedeng kemoedian kedengeran ada berboenji satoe soeara keras berbareng kedoea orang itoe bersama-sama koedanja telah ketjegoer masoek di dalem djeerang jang djace ka bawah.
Samentara itoe, ada kedengeran lagi Soen Pin di atas dengen soeara keras telah ka-okin soldadoe soldadoenja sembari meme-renta boeat selekasnja angkoet bawa dateng sebarijak banjaknja pasir dan batoebatoe oentoek dilemparin dan ditimpoekin ka ba-wah, soepaja itoe djoerang bisa dioeroek rata boeat koeboer idoepidoepan marika
