-471-
moesti boeang tenaga boeat lakoeken doea kali menggeret ini krandjang. Dari itoe, tiada lebi baek satoe kali djalan sadja dan semoea apa lantas beres."
-Kaloe orang bersama pakean perang berdoedoek mendjadi satoe dalem krandjang; itoe aken ada terlaloe berat boeat ini krandjang, hingga ada berbahaja boeat di-geret naek, atawa kaloe sadja talinja kedja-dian poetoes dan orangnja toeroet djate ka bawah, tiada bisa disangkal lagi pasti aken antjoer remoek seolah-olah Phia-daging."
Ja, ini perbilangan djoega betoel se-kalil Baeklah, kaoe boleh lantas kasi toe-roen itoe krandjang kemari boeat geret naek terlebi doeloe akoepoenja kampak dan pa-kean perang, kemoedian baroe pikir lebi djaoe tindakan mana jang baek."
Si toekang kajoe lantas sadja pinda lebi naek ka atas poentjak, soepaja tiada terlaloe njelengseng dengen djoeroesan di mana Wan Tat lagi berdiri, baree kemoedian ia lepasken toeroen ka bawah itoe krandjang; sedeng Wan Tat poen selekasnja telah me-njopot lapoenja pakean perang dan taro baek di dalem krandjang, sembari kemoedian kaokin si toekang kajoe boeat sigra geret naek itoe krandjang ka atas.
