-444-
loe mengadoe sendjata lagi, hanja kita ber-doea dengen ridlah hati soeka menjerahken diri boeat menaloek."
Boen Liong dan Boen Houw poen sigra membawa kedoea Taij Ong itoe sama-sama dateng sampe di tenga-tenga pasoekan. Di mana lebi doeloe soeda ada orang jang me-rapportken ka dalem, maka Lo Ong poen sigra membri prenta boleh silahken kedoea radja penjamoen itoe dateng mengadep. Siapa begitoe soeda dateng sampe di tenga pasoekan, sigra djoega djatoken dirt ber-loetoet di hadepannja Lo Ong, sedeng ke-moedian baroe mengadep pada Soen Pin.
Kapan Soen Pin soeda mengawasin betoel orang poenja roman moeka, dengen girang ja berkata:
,,Oh, tadinja akoe sangka siapa, tapi kira-nja sekarang ternjata ada Dji Wie sendiri. Bagoes 1"
,,Kaloe begitoe." menjelak Lo Ong...nja-talah Sianseng soeda kenal pada marika?"
,,Ja," djawab Soen Pin, marika berdoea tadinja boekan berasai penjamoen sedjati, hanja adalah bekas Gwi Ong ampoenja Tj Hwl, bernama Gouw Kaij dan Ma Seng! Lantaran Gwi Ong terlaloe pertjaja serta senantiasa menoeroet sadja Bang Koan am-
