-439-
pendekar bidjaksana, maka Kho toenda sa-dja sampe besok hari, di mana Sianseng di-silahken boeat soeka dateng berdjoempa poela dalem kraton, jang Kho nanti tentoe menghargai betoel-betoel."
Soen Pin mengoetjapken trima kasi boeat boedi baginda itoe sembari moendoer kom-bali dari hadepan Tje Ong.
Kemoedian baginda poen lantas doedoek kombali kendaraan kebesaran boeat balik poelang ka astana dengen teriring oleh se-kalian mantri-mantrinja. Di mana kemoedtan semoea orang pada boebaran poelang ka gedongnja masing-masing.
Besok paginja, waktoe Tje Ong doedoek bersidang di tachta keradjaännja, keliatan Soen Pin telah madjoe mengadep, tapi se-lagi baginda hendak oemoemken itoe peng-anoegrahan pangkat, tiba-tiba Oel Boen Khoa lebt siang soeda masoek mengadep, sembari merapportken, oedjarnja:
,,Di Kioe Jauw San goa Pie Lek Tong ampoenja kepala penjamoen jang bergelar Ja Liong (Naga alas) Wan Tat, ada kirim orang dateng kemari boeat minta pindjem ransoem doearatoes pikoel. Orang soeroean mana sekarang ini lagi menoenggoe di loear pintoe Tiauw Boen."
