-328-
Besok paginja, bener sekali sebelonnja matahari naek tinggi. Bang Koan keliatan dengen membawa iapoenja ratoesan orang-orang soeda lantas dateng menoedjoe ka gedongnja Tjoe Haij dan langsoeng mengoe-roeng rapet seantero bagian, dari pintoe de-pan sampe ka pintoe blakang.
Koetika trima kabar atas kedatengannja Bang Koan, dengen tjepet Tjoe Haij poen Mantas keloear menjamboet, atawa sesoeda-nja saling bertemoe satoe sama laen, Tjoe Haij sigra berkata:
Bang Hoe Mal Kemarennja satoe hari toetoep kace soeda menggratak boeta-toeli di ini roema, tapi hasilnja adalah kaoe tiada beroentoeng bisa dapet gledah Soen Pin dan ini hari, kaoepoenja dateng kombali ke-mari, entah ada dengen maksoed apa lagi ?"
„Ja," menjaoet Bang Koan, kaloe sadja akoe kemaren moesti menampak kegagalan, itoelah kerna akoe soeda berlakoę koerang tjerdik, sampe resia perdjalanankoe siang-siang telah ketahsean orang, hingga kaoe-orang keboeroe lebi doeloe menjemboeni-ken pada Soen Pin. Aken tetapi ini hari, akoe pertjaja tiada lagi dapet didjoestain oleh kaoeorang. Akoe aken berhasil bagoes de-ngen penggledahankoe ini kalt."
