-400-
koening, begimana sekarang mendadak bisa beroba mendjadi satoe batoe goenoeng. Tiada heran baroesan waktoe dipikoel oleh kitaorang, semingkin lama djadi semingkin berat, kiranja dia itoe soeda beroba djadi batoe."
Samentara itoe, bebrapa orang laskar bran-dal jang laennja, koetika mana soeda toe-roet memboeroe ka sitoe, meliat begini, marika rame-rame lantas membilang:
„Soeda, djangan perdoeli lagi! Biarlah se-karang djoega kita lantas mengiket ini doea orang bawa mengadep pada Taij Ong, soe-paja nanti boleh dibriken poetoesan beyi-mana jang baek, atawa bakal menjoeroe pa-danja mentjari sampe ketemoe itoe To Djin."
Seabisnja berkata, marika lantas mengiket pada The Tjian dan The Tjhit begitoe roepа, serta langsoeng bersama-sama bawa naek ka atas goenoeng; aken tetapi, sebelonnja orang bisa berdjalan djaoe, tiba-tiba dari dalem djoli itoe ada kedengeran soeara orang jang memanggil katanja:
(Aken disamboeng).
