-383-
toekang sawa pakein di badannja, begitoe djoega itoe topi ada terpake di atas kepala-nja. Lebi djaoe la poen sekalian tiada ke-tinggalan memegang djoega sang patjoel di tangannja.
Itoe tempo, di badannja masi ada kelebian satoe orang-orangan kertas, laloe ia ambil kasi keloear, sembari moeloetnja berkemak-kemik membatja doa Leng Boen bozat se-saat, aken kemoedian ia berseroe satoe kali dengen soeara keras, katanja: „Pian!"
Berbareng dengen ini seroehan, itce orang-orangan kertas dalem sekedjapan sadja sigra meroepaken satoe badan manoesia jang mi-rip betoel dengen Soen Pin. Kemoedian ia lantas angkat itoe orangan kertas, laloe ba-wa lemparin ka moekanja seboeah empangan jang terdapet di betoelan djoeroesan Oetara. sedikit djaoe dari sawa di mana ia berada.
Seabisnja itoe, ia laloe keloearin poela itoe satoe gantang beras poeti, sebiarken begitoe roepa pada sekiternja orangan kertas terseboet, sembari batjain poela iapoenja doa dengen moeloet berkemak-kemik sampe se-saat. Tiada lama, itoe beras poeti lantas meroepaken berlaksa-laksa oelat-oelat me-soem dan mendjidjiken, seraja merajap dan keroeboengin sepenoenja itoe malt dari
