-362-
idoep, zonder akoe bisa menoeloeng soeatoe apa, tetapi biarlah Toehan jang maha koe-asa nanti membri berkat padanja !"
Pelahan pelahan oepatjara pengoeboeran itoe soeda berdjalan beres sebegimana moes-tinja dan semoea orang lantas sama-sama brangkat kombali ka dalem kota. Ini kali samentara Bang Koan poelang ka gedong-nja dengen hati lega, adalah Tjoe Haij se-baliknja moesti kombalı ka roema, dengen menanggoeng siksaan hati jang paling berat. Maka begitoe sampe, ia teroes masoek ka kamar toelis zonder perdoeliken laen-laennja hal jang brangkali masi balon beres, ketjoe-ali pikir, di itoe kamar ta nanti bisa toem-plekin kesedihan hatinja dengen leloeasa.
Aken tetapi, baroe sadja ia moelai menin-dak masoek pintoe kamar, tiba-tiba ia soeda dapet denger Soen- Pin ampoenja soeara jang membilang katanja:
Tjoe Taij Djin 1 Oh, baroe sekarang kaoe poelang ?"
Alangkah terprandjatnja Tjoe Haij waktoe meliat itoe keadaän, serta mendenger itoe tegoran, boeat sedjoeroes lamanja ia tinggal kesima, sampe achir-achirnja setelah bisa koempoelin poela semangatnja, baroe la ber-kata:
