-359-
tce kota. Makanja ia telah bersedia serta menetepken pikiran boeat toeroet antar lajon sampe keloear kota, teroes minta atawa paksa orang moesti lakoeken pengoeboeran dengen menoeroenken peti mati ka lobang tana pada koetika itoe djoega.
Dengen begini, serta menoenggoe sampe koeboeran soeda dioeroek dengen baek, ta toch traoesa berkoeatir lagi Soen Pirr nanti bisa minggat keloear dari lobang tana.
Pegitoe sampe pada harian terseboet, biarpoen setjara amat terpaksa Bang Koan apabolehboeat lantas dateng ka gedongnja Tjoe Haij, memake pakean kaboengan sebagi satoe Hauw Lam, sepandjang djalan mengi-ringin peti-mati dengen saben saben denger-ken soeara ratapan.
Sesoenggoenja djoega kematiannja si njo-nja pengoeroes di ini kali, boleh dibilang matinja ada dengen segala kehormatan jang paling mentereng, oleh kerna satoe Hoe Ma jang termoelia sampe toeroet mendjadi Hauw Lam.
Sebentar lagi, koetika peti mati soeda sampe di tana perkoeboeran loear kota, Bang Koan lantas sadja membri titah pada koeli-koeli tana, aken sigra berkerdja dengen tje-pet kasi toeroen itoe peti ka dalem lobang
