-358-
orang orangnja boeat lantas kasi masoek peti, maitnja itoe njonja pengoeroes di ba-gian atas, sedeng lapisan jang bawah ting-gal kosong oentoek begitoe dateng tempo-Ja maoe dikoeboer, baroe Soen Pin nanti masoek semboenji di dalem dari pintoe re-sia jang dibikin begitoe rapi, zonder laen orang bisa menampak bekas-bekasnja barang ⚫ sedikit.
Kapan sampe di harian koeboernja sebegi-mana telah ditetepken, dari masi fadjar se-gala apa soeda diatoer beres, Toea moeda dari seroema itoe, antero soeda mamake pa-kean kaboengan sebegimana lajiknja dan orang tjoema tinggal toenggoe kedatengan-nja Bang Koan, begitoe lantas lajon terse-boet boleh brangkat.
Kiranja Bang Koan itoe tatkala doea kali beroentoen-roentoen soeda menampak per-kara jang amat traenak, dalem hatinja am-poenja panasaran seaken aken telah naek sampe di poentjaknja. Maka di hari beri-koetnja, siang siang la soeda mengadaken soeatoe petangan, goena meramalin apa-apa jang bakal terdjadi nanti. Demikianlah ia djadi mengetahoei behoea ini hari Soen Pin tentoe ada bersemboenji di dalem peti-mati centoek bisa terlolos keloear dari pin-
