-339-
Scen Pin terang-terangan mengoempet di dalem peti, jang menoeroet katanja ada ter-isi itoe sekean harta doenia, serta tiada maoe perkenanken boeat Sin lantas boeka preksa isinja. Lantaran mana, apabolehboeat Sin kepaksa prenta orang pikoel sadja peti itoe bawa kemari, soepaja di hadepan Ngo Ong sendiri, peti terseboet boleh diboeka preksa."
,,Dan," menanja poela Gwi Ong, tjara begimana kaoe bisa mengetahoet di dalem-nja ada terisi Soen Pin?'
,,Baek di roema Tjoe Haij. maoepoen di perdjalanan, teroes-teroesan ada kedengeran soearanja Soen Pin jang beromong-omong." oedjarnja Bang Koan lagi.
,,Kaloe begitoe," bersabda poela Gwi Ong. tjoba soeroe bawa masoek kemari itoe sa-toe peti."
Sesoeda ini titah disampeken ka loear, keliatanlah sebentar lagi orang banjak soeda menggotong bawa masoek sang peti kajoe dan letakin di atas kraton, tiada djaoe dari kedoedoekannja baginda. DI mana, orang telah tjopotin itoe kertas zegel, aken ke-moedian roesakin gembok koentji serta boeka toetoepnja.
Waktoe semoea mata ditoedjoeken dengen pemandengan setjeli-tjelinja, ternjata apa jang
