-333-
itoe segala omongan kosong. kamar mas-perak dan goedang harta poesaka. Hml Tjoba seandenja tadi akoe tiada djalanken penggledahan terlebi teliti, ampir sadja akoe kena dislomotin menta-menta oleh kaoeorang. Soen Pin! Soen Pin! Barpoen sekarang kaoe boleh mempoenjai sajap, tapi toch akoe tiada maoe pertjaja jang kace masi sang-goep melolosken diri dari tangankoe!"
Samentara itoe, si njonja pengoeroes soe-da memboeka pintoe terseboet dan Bang Koan berbareng keliatan telah menerobos masoek paling pertama ka dalem. Di mana. tempo ia mengawasin dengen teliti ka ampat pendjoeroe, ternjata Soen Pin sama sekali tiada tertampak berada di sitoe; sedeng jang : didapetken olehnja, jalah melaenken satoe peti kajoe besar; selaen mana, tiadalah ter-dapet ada laennja barang poela.
Toetoepnja itoe peti kajoe ada terkoentji begitoe rapet, laginja diatas mana poen ada tértempel kertas zegel jang koeat sekali. Membikin Bang Koan seabisnja meliat itoe semoea dengen betoel, lantas sadja mem-bilang poela:
„Oh, njatalah Soen Pin ada lagi me-ngoempet di dalem peti ini. Hajo, boeka, kasi akoe liat isinja!"
