-247-
Demikianlah, kendati Ong Go dengen bersoenggoe-soenggoe hati soeda mengoen-djoengin serta membri pengandjoeran kapada ampat negri, en toch semoeanja tiada ber-hasil dengen pertjobaän masing-masing. Int-lah ternjata bahoea ampat negri terseboet, dasar belon poenja redjeki aken bisa pero-lehken orang jang berilmoe tinggi.
Dalem begitoe, bebrapa kalı Bang Koan soeda dateng bermoefakatan pada Tjoe Haij. tentang tjara begimana hendak menjilakaken djiwanja Soen Pin, agar soepaja dapet me-njingkirin seroepa bahaja dari matanja; tetapi Tjoe Haij sebegitoe banjak kali poela tiada menjetoedjoei orang poenja tindakan.
Di soeatoe hari, Tjoe Haij tjoba dateng ka Pie Tian Wan boeat tengokin Soen Pin, sedeng waktoe la sampe di itoe pemondo-kan dari orang-orang melarat, ia dapetken Soen Pin ada lagi tidoer berbaring di bawah tjoetjoeran pendek terseboet, sembari népok-nepok tangan dan menjanji setjara iseng-isengan:
Sebatang poehoen Siong berdiri sendirian. Brapa tingginja ması belon ketahoean; Matahari teraling, mega poen bersamaän, Laksana temboes sampe ka awan-awan.
