-305-
Demikianlah, kedjadian pada sekoetika mana, Tjoe Haij bersama Bang Koan betoel sekali masing-masing soeda menoelis ram-poeng dengen tangan sendiri adanja itoe soerat pengakoean, serta kemoedian kasi trima boeat dipegang oleh The An Peng.
Begitoe lekas ini oeroesan soeda beres, Tjoe Haij poen lantas berpamitan pada sang radja, meninggalken itoe kraton besar, aken lebi doeloe mampir di gedongnja membawa Soen Pin ampoenja sepoetjoek soerat, baroe kemoedian dengen teriring hanja bilang blas pengikoet-pengikoetnja sendiri, sigra madjoe keloear dari pintoe kota Ek Liang Shia. menoedjoe langsoeng ka depan pasanggrahan besar dari Soen Tjo, di mana ia toeroen dari toenggangannja dan membilang pada penggawal pintoe tentang maksoed keda-tengannja.
Kemoedian dengen terantar oleh Kie Paij Khoa, laloe Tjoe Haij dibawa masoek me-mengadep ka dalem.
„Kaoe ini siapa 7" menanja Soen Tjo ke-moedian.
Akoe jalah ada Sin Siang. Tjoe Haij. dari keradjaăn Gwi, menerima Gwi Ong ampoenja titah dateng kemari mengadep Taij Djin, oentoek membitjaraken soeal per-
