- 288 -
dengen seroe madjoe mengamoek pasoekan Gwi.
Waktoe Bang Koan meliat kedoea pasoekan dari Tjin dan Tjhouw berbareng dateng memoekoel padanja serta membantoe pada pasoekan Jan Kok. dalem hatinja djadi merasa amat terprandjat, sembari berpikir seorang diri :
Tjin dan Tjhouw, doea negri, djoega sama mengeloearken pasoekannja toeroet membantoe pada Jan, hingga akoe djadi moesti berhadepan dengen tentara dari tiga negri, itoelah ada terlaloe berbahaja; tjara begimana akoe sanggoep menangin marika jang berseriket ?"
Seabisnja berpikir begitoe, la lantas goenaken satoe koetika jang longgar, sigra balikin koedanja dan lari moendoer dari sitoe dengen lekas. Samentara Soen Tjo bersama kedoea poetranja tentoe sadja tiada maoe memboeang pertjoema ini tempo jang bagoes, lantas masing-masing pada madjoeken pasoekannja mengamoek kalang-kaboet pada pasoekan Gwi, sehingga mendjadi koetjar- katjir tiada keroean, serta boekan sedikit djoemblah jang binasa atawa jang loeka. Kemoedian, apabila antero pasoekan moesoe soeda pada moendoer masoek ka dalem ko-
