-273-
toerken ini semoea hal pada sang soeaminja Jang djoega toeroet bergirang serta menjatet baek hari terseboet.
Djalannja hari ada begitoe pesat, ampir seaken aken tiada merasa orang telah mela-loei itoe pertengahan boelan, aken sampe pada harian Soet Ngo Djit terseboet.
Di waktoe mana, Tjoe Haij bersama be-brapa orang boedjangnja diam - diam soeda dateng di itoe gredja Goie Bio boeat menoenggoe; sedeng Soen Pin di Pie Tian Wan, waktoe meliat hari ampir malem, moe-loetnja lantas sadja berkemak - kemik mem-batja doa Liok Kak Leng Boen, laloe ke-moedian keboetin satoe kali lengen badjoe-nja mengadep ka oedara, maka dalem se-kedjapan sadja langit dan boemi keliatan begitoe gelap goelita, mega jang item dan pedoet jang tebel tertampak njata tersebar begitoe roepa di sana-sini.
Sesaat mana, Soen Pin dengen menoen-djang atas itoe sepasang toengket Sim Hiang Bok, terpintjang pintjang dan menjerepet-repet djalan menoedjoe ka gredja Go Kie Bio berdjoempa dengen Tjoe Haij.
Lebi doeloe Tjoe Haij djatoken diri ber-loetoet di hadepan Soen Pin sembari me-ngatcerken trima kasi dan lantas kemoedian
