-263-
akoe perna memperingetin pada kaoepoenja soeami, jang dia bakal hadepin kesialan atawa mara-bahaja selama seratoes hart. maka itoe perloe sekali moesti bisa tinggal mengoempet dalem roema sepandjang Itoe tempo. Aken tetapi, tiada njana dia tiada bisa memegang betoel pesenankoe, koerang satoe hari lagi, lantas diapoenja kesabaran abis, sajang sekalil Maka sekarang, dia djadi tertahan di dalem pendjara besar oentoek menoenggoe hoekoemannja dan inilah boleh djadi soeda takdirnja."
Apabila soeda mendenger perbilangan be-gitoe, Lauw Hoedjin lantas berloetoet satoe kali di hadepannja.
Ja," katanja poela setelah berbangkit, memang sekali akoe tjoema mempoenjai maksoed boeat bisa djoempaken pada Soe Hoe, maka sengadja goenaken alesan mem-bagi-bagiken doeit dateng sampe disini. Laen tida, hanja meloeloe ingin memoehoen poela Soe Hoe ampoenja belas kesian, soe-paja soeka membri pertoeloengan bagi ke-slametan djiwa kitaorang, laki-bini berdoea dan boedi mana, selama-lamanja tentoe ting-gal tertjantoem dalem pikiran dan hati kita-orang."
Baeklah, Hoedjin," kata kemoedian Soen
