-255-
The An Pegg ada mempoenjai satoe poetri jang masi ketjil, bernama Aij Lian dan baroe beroemoer toedjoe taon. Iapoenja paras soenggoe soeker ditjari bandingannja, begitoe molek, sehingga satoe toekang gambar jang begimana pande sekalipoen, belon tentoe aken sanggoep menjiptaken satoe gambar dari nona eilok begitoe roepa. Makanja tiada heran, The An Peng ada menjajang itoe anak begitoe besar. sampe tiada ada laen moes-tika poela jang bisa melebihi.
Itoe hari, Aij Lian Siotjia ada membawa bebrapa orang boedak ketjil, sama sama dateng bermaen-maen di dalem kebon boe-nganja, dengen niatan hendak maen ajoen-ajoenan. Aken tetapi, koetika baroe sadja la naek ka atas ajoenan, tiba-tiba dari roema seblah mendadak melajang terbang seboeah anak pana jang begitoe djitoe telah menan-tjep pada betoelan oeloe atinja itoe gadis ketjil, sehingga iapoenja badan bagian atas djadi roeboeh ka blakang, sedeng kakinja masi menjangkoet pada itoe tali ajoenan; demikianlah keliatan ini Siotjla djadi meng-glantoeng terbalık, jalah kepala di bawah dan kaki di atas, sedeng di moeloetnja tjoema dengerken sadja satoe kali djeritan, aken selandjõetnja mendjadi sirep sama sekali....
