VII. Dalem Pek Hoa Wan, pana njasar mengikett permoesoean. Di Pie Tian Wan, api takdir menerbitken kebintjanaän.
Tatkala Bang Koan soeda oetjapken itoe perkataan, lantas ia berpisaän dengen sekalian mantri itoe, langsoeng poelang ka gedongnja, seraja doedoek seorang diri boeat memikirin itoe akal, tjara begimana la haroes atoer soepaja bisa terloepoet dari ganggoeannja si edan.
Dasar Bang Koan, jang memangnja selaloe tiada kekoerangan akal litjin, traoesa goena-ken pikiran terlaloe lama, sebentar sadja ta poen telah perolehken apa jang dimaksoed. Demikianlah ia lantas prenta salah satoe orangnja sigra dateng ka Pie Tian Wan, ja-itoe tempat pemondokannja segala kaoem pengemis, boeat panggil mengadep kepala atawa ketoea besar dari kaoem terseboet.
Apabila orang jang dipanggil soeda dateng mengadep, Bang Koan laloe memesen kata-nja :
„Itoe si edan, Soen Pin, jang kaoe ten-toenja soeda kenal baek, akoe mace kaoe moesti bawa padanja dan kasi masoek dalem Pie Tian Wan, dengen terdjaga baek serta
