-225-
satoe tiada bisa memboeka, jang laen boleh mentjoba; begitoelah ganti poenja ganti sampe paling blakang, toch achirnja bisa djoega kedapetan anak-koentji jang pas betoel, hingga itoe pintoe kebon traoeroeng bisa djoega terboeka.
Satoe kali pintoe kebon terpentang lebar, sekalian boedjang dan boedak prempoean itoe sigra djoega satoe persatoe menerobos masoek dengen goembira, sedeng Soen Pin jang lagi berdiam di dalem itoe, meliat itoe sekalian boedak-boedak prempoean ada lagi mendatengin, boeroe boeroe ia lantas meng-goenaken ilmoe mengoempetin badan, soe-paja tiada keliatan oleh itoe sekean prem-poean, lantas kemoedian mengiprit keloear dari pintoe kebon itoe, seraja moeloetnja berkaokkaok dan mendjerit - djerit tiada brentinja di sepandjang djalan, teroes me-noedjoe sampe di bagian roeangan perte-ngahan bagian loear.
Antero mantri mantri jang lagi doedoek berdjamoean, tatkala mendenger ini soeara-soeara riboet, rata-rata pada menanja de-ngen pengrasaan heran sekali:
Eh, dalem gedong Hoe Ma Hoe, siapa-kah jang telah menerbitken keriboetan be-gini matjem?"
