- 202 -
laloe berpamitan poelang ka gedongnja. Di mana, ia lantas prenta orang-orangnja boeat selekasnja membikin bersi satoe roeangan roema di samping, berikeet kamar-kamainja, aken kemoedian bisa diantar itoe soedara angkat jang apes, menempatin di sitoe sekalian boeat berobat dengen seneng!
Di hadepan Soen Pin djoega, Bang Koan sengadja panggil mengadep lapoenja toekang masak dan memesen katanja:
,,Seen Stanseng ini ada akoepoenja soedara angkat dengen perhoeboengan kita melebihi soedara poetoesan peroet. Maka djoega akoe maoe orang moesti mengadaken pengrawatan jang paling baek. Boeat persediaan makanan tiga kali sehari, serta saben - saben penjedoehan aer thee, berikoet keperloean memasak obat, itoe semoea akoe serahken atas kaoepeenja tanggoengan dan djangan sekali kali sampe ada jang kekoerangan."
Toekang masak itoe trima baek ini pesenan dan berlaloe dari sitoe.
Selandjoetnja, Soen Pin ada berdiam dalem gedongnja Bang Koan, tapi koetika soeda liwat doea hari, ia merasaken kedoea kakinja sepoeloe bagian sakit, nana kentel senantiasa mengalir tiada brentinja. Baek djoega, ada itoe toekang masak bersama
