-197-
satoe sanak paling deket dari Jan Ong. Dia-poenja ajah Jan Kok ampoenja Hoe Ma dan iboenja boekan laen dari Jan Tan Kiong Tjoe. sedeng kedoea enkonja, ada Soen Liong dan Soen Houw. Maka dikoeatir, kaloe Soen Pin ini hari lantas diboenoe mati, laen hari sam-pe ini hal kedengeran di negri Jan, tiada bisa disangkal lagi marika pasti menggerakin pasoekan besar dateng kemari boeat minta dikombaliken Soen Pin, sedeng orangnja soeda mati, sama apa bisa dikombaliken? Dari itoe, menoereet Sin poenja pikiran, ada lebi baek kasi tinggal idoep djiwanja, toeng-gee kapan negri Jan mengirim oetoesan me-njataken menaloek boeat teboes Soen Pin, baroelah kitaorang kombaliken padanja me-noeroet kemaoeannja hati, atawa djoega bo-leh tiada maoe mengasi kombali dan teroes tahan di sini."
,,Aken tetapi, mengasi ampoen padanja zonder dihoekoem boence," bersabda Gwi Ong, tiadakah boleh dikoeatir dia bakal terbitken poela pembrontakan di laennja hari ?"
„Itoelah ada perkara gampang," berkata lagi Bang Koan, "Ngo Ong sekarang boleh keloearken titah koetoengin sadja kedoea kakinja, agar soepaja dia mendjadi orang
