-186-
boeroe boeroe ia berbangkit dan menanja pada pembesar dalem astana, soeda terbit keriboetan apa serta di mana?.
Jang ditanja, soeda menjaoet tiada tave soeatoe apa, malah menambaken bahoea kaloe bener di loearan ada terbit hoeroe-hara atawa keriboetan soeda tentoe lebi siang ada dateng rapportan, maka didoega ini semoea boekan ada kedjadian loear biasan atawa perkara besar jang terpenting.
Gwi Ong poen merasa lega di hati dan tidoer kombali.
Besok paginja, tempo bersidang di kraton, Gwi Ong tanjaken hal tadi malem kapada sekalian mantri-mantrinja:
Moehoen Ngo Ong mendapet taoe." demikian Bang Koan paling doeloe madjoe merapportken, tadi malem djam tiga. Soen Pin jang mengandoeng niatan hendak ter-bitken pembrontakan, soeda mengepalaken bebrapa riboe balatentara dari pasanggrahan besar, hendak memoekoel petja pintoe Se-latan. Djoestroe Sin jang menerima itoe warta djelek, keboeroe dateng di sitoe, pada temponja jang betoel. Maka dengen meng-goenaken sedikit akalan, beroentoeng bisa bikin moendoer semoea tentara jang niat brontak itoe, aken balik poelang ka pasang-
