-183-
satoe oetoesan dari keradjaän. lekas pergi ka tempat pondokannja Soen Pin, ketemoeken padanja, seraja bilangin bahoea menerima titahnja baginda, jang menoeroet rapportan dari pembesar Soe Thian Taij, ini malem djam tiga bakal ada bintang Api jang toeroen melanggar kota Ek Liang Shia, makanja diminta Soen Pin soeka selekasnja atoer pendjagaän di benteng kota boeat meloepoetken itoe bintjana. Dan begitoe lekas, kaoe soeda beresken itoe perkerdjaän, haroes lantas balik poela kemari boeat menerima persenan. Tetapi sekali-kali kaoe moesti djaga, djangan sampe ini resia mendjadi botjor atawa pada siapa djoega, djanganlah kaoe menjeboet jang akoe telah prenta padamoe dateng ka tempatnja Soen Pin."
Bouw Tjaij setelah trima itoe prenta, sigra djcega Ia menoenggang koeda dan langsoeng dateng ka gedong Khoan Lian Saij. Di mana ia toeroen dari koedanja serta masoek ka dalem mendjoempaken Soen Pin dengen membilang:
,,Soen Sianseng 1 Akoe inilah ada Kim It Boe Soe, trima titah sribaginda jang menoeroet rapportannja Soe Thian Taij, ada diketahoei bahoea nanti malem djam tiga, bakal ada bintang Hwee Seng jang toeroen
