-181-
kepaksa tebelken koelit moeka dan besarken semangat telah dateng sampe di hadepannja Gwi Ong.
„Bang Koan!" mendjengekin sang radja. itoe hari kaoe telah mendiriken Taij Gan Paij, bitjara sombong serta agoengken diri sendiri begitoe tinggi, sedengken ini hari baroe tjoema hendak memoekoel petja Paij Kok Long Kee Tin, kaoe berbalik soeda kena ditawan oleh Soen Pin. Apakah arti-nja ini?"
Bang Koan tinggal boengkem dengen hanja menoendoekin kepalanja. Sedeng Gwi Ong kombali menitah panggil dateng Soen Pin di hadepannja, sembari membilang de-ngen soeara lemah-lemboet:
„Ja, Soen Sianseng, sekean lama soeda mendenger nama jang tersoehoer, baroe ini hari bisa menjaksiken dengen mata sendiri Sianseng ampoenja ilmoe jang langka serta kebisaan jang loear biasa, membikin Kho merasa bersoekoer dan goembira boekan sedikit, hingga pantes menganoegrahken Keng dengen soeatoe pangkat jang tjoekoep besar. Tapi sebab ini waktoe soeda deket malem, boekan temponja moesti mendjalan-ken itoe soeal pengangkatan, biarlah ditoen-da doeloe sampe besok pagi."
