- 171 -
bihoea timbangan baginda sesoenggoenja koerang pantes, oleh kerna katanja: ,,Boelak-balik sampe tiga kali, Soen Pin dibendang toeroen dari goencengnja, me- ngoendjoek orang poenja perhatian jang be- gitoe besar; tetapi sekarang. sesoeda Soen Pin dateng, dengen mendenger Bang Koan anpoenja bitjara, dia hanja diangkat. sebagi Koan Lian Saij, tiadakah itoe tjara ada sa- nget mengetjiwaken ? Maka itoe, ada baek sekali kapan besok hari kita sekalian bersama- sama masoekin rekest, minta baginda sendiri aken soeka dateng di Jan Boe Thio, boeat menjaksiken Soen Pin bersama Bang Koan masing-masing mengatoer barisan, oentoek mengoedji kebisaan kedoeanja. Kemoedian bila kenjataan mana jang lebi tinggi, sigra dianoegrahken pangkat jang terlebi besar, sebaliknja jang !ebi rendah kebisaannja, ha- roes didenda. dengen potong gadjiannja. oentoek menjokong kasnja tentara, Dengen tjara begini, baroe bisa dibilang ada pertim- bangan jang adil,“
Jang laen-laennja setelah mendengar ini peroendingannja antero poen njataken kese- toedjoeannja, demikian oarang pada boebaran dengan menetepken permoefakatan itoe.
Besok paginja, tatkala Gwi Ong bersidang
