- 170 -
Thio ada terdapet 20.000 soldadoe baroe jang masi belon méngarti baek ilmoe perang, — biarlah Soen Pin boeat samentara diangkat sadja sebagi Khoan Lian Saij oentoek men- didik itoe soldadoe-soldadoe; djikaloe ke- moedian semoea itoe soeda paham dan ma- teng pendidikannja, baroe Soen Pin dibriken kenaekan pangkat, jang toch masi belon ” kasep.”
Gwi Ong menoeroet sadja voorstelnja Bang Koan ini, maka Soen Pin laloe diangkat ka dalem djabatan Gie Eng Khoan Lian Saij, jang sebetoelnja tjoema ada satoe pangkat jang ampir tiada ada artinja; tapi toch Soen Pin menerimaitoe anoegrahan dengen tiada perna oendjoekin pengrasaan apa-apa, ke- tjoeali tiada loepa mengoetjapken trima kasi bagi boedinja baginda itoe.
Begitoelah, tiada lama kemoedian, persi- dangan poen lantas ditoetoep. Sedeng ba- ginda moendoer masoek ka dalem astananja adalah sekalian mantri mantri balik poelang ka gedongnja masing-masing.
Aken tetapi, The An Peng, Tjoe Haij, Tji Kak dan Houw Eng jang sama - sama satoe perdjalanan, di atas koeda sepandjang djalan, satoe sama laen kedengeran saling beroending pandjang lebar. Ada jang bilang
