- 526-
tadi malem tiada njana telah alamin seroepa bintjana."
Bintjana apakah itoe?" menanja Tje Ong dengen heran.
„Sin poenja anak lelaki jang kadoea bernama Kie Tang, masi belon beristri," demikianlah menerangken Kie Kie. „tempo hari dengen perantaraän Go Eng Thaij Wie, telah menetepken perdjodoan sama Joe Siang, Souw Taij, ampoenja ade prempoean; tetapi blakangan tiada kira Lam Peng Ong. Soen Pin, ada menggoenaken akal tjoerang boeat memperdajaken diri Sin, sampe kedjadian itoe perdjodoan dibatalken stenga djalan, sedeng dia sendiri laloe kemoedian menetepken perdjodoan pada Souw Siotjia terseboet. Kemaren, koetika tace Soen Pin hendak melangsoengken perkawinannja, lantaran satoe tempo ampoenja panasaran serta gemes dengen itoe ketjoerangan, Sin kepaksa bawa soldadoe atoer mengoempet di djalanan prapatan, ingetan ingin merampas Souw Siotjia boeat bisa langsoengken perkawinan sama Kie Tang. Aken tetapi siapa njana ini hal bisa botjor keloear lebi siang, hingga Soen Pin dapet kesempetan mengatoer aken Wan Tat menjaroe sebagi Siotjia berdoedoek dalem djoli penganten, menje-
