- 522-
ten. Souw Lo Hoedjin sendiri telah keloear menjamboet, serta silahken sekalian Hoedjin ini masoek ka roeangan besar; di mana satoe sama laen tentoe sadja saling mendjalanken oepatjara kehormatan berdjoempa, baroe kemoedtan sama berdoedoek, atawa sesoe-danja medja perdjamoean teratoer beres, semoea orang poen sigra pinda berdoedoek hadepin perhidangan, sembari moelai makan dan minoem.
Dalem mana, Slotjia djoega soeda diriasin serta didandanin rapi dengen pakean penganten serba lengkep, laloe dibawa keloear dari dalem kamar, hadepin sang iboe boeat ber-pamitan.
Koetika itoe, iboe dan anak jang selaloe tinggal berkoempoel sedari banjak taon lamanja, zonder perna berpisaân biarpoen boeat tjoema satoe hari sadja, tiadalah heran ini hari sewaktoe hendak berpissan, satoe sama laen keliatan begitoe berat, tiada tega, serta merasaken amat antjoer di dalem hats masing-masing, sedeng aermata tiada tertahan lagi djato bertjoetjoeran begitoe deres, berikoet saeara tangisan sengak-sengoek tiada brentinja.
Tetekala nona penganten hendak naek ka djolinja, itoe bebrapa orang njonja bangsa-
