- 512 -
ngen satoe soeara sorakan jang rame, marika berbareng moentjoel keloear dari tempatnja mengoempet, madjoe mengadang di tenga-tenga straat seraja masing-masing menghoenoes gegaman di tangan; sedeng sebagiannja teroes merangsek dan mengoeroeng rapet sang djoli penganten, sembari berkaok-kaok katanja:
,,Baekan bawa ini djoli ka gedong Thaij Soe boeat trima oepahan besar, daripada membangkang boeat trima mati!" Tatkala meliat ini kedjadian, Lo Ong laloe madice ka depan sembari menanja:
,, He, ini orang-orang apa serta lantaran apa brani merampok djoli penganten ?" Kie Kong dan Kie Tang itoe tempo djoega telah madjoe keloear berbarengan, seraja berkata dengen hormat:
,,Tian He, harep mendapet taoe bahoea int Souw Siotjia sebenernja adalah fihak kita jang lebt doeloe telah menetepken perdjodoan satoe sama laen; tapi blakangan lantaran orang menggoenaken tipoe-daja tjoerang dengen membri alesan Siotjia lagi di hinggapin penjakit heibat, jang mengantjem atas keslametan djiwanja, mengandjoerin sampe kitaorang maoe poetoesken itoe tali perdjodoan. Kedjadian pembatalan mana se-
