Manjawab Siti Kalasun,
“Luruih jalan ka payakumbuah
Salisiah batimba jalan;
Di mano hati tidak ka rusuah
Sadang kasiah tuan bajalan.
Nak duo pantun sairiang:
Salisiah batimba jalan
Ambiak batangnyo ditugakan;
Sadang kasiah tuan bajalan
Jo siapo ambo ditinggakan.”
Manjawab Sutan Sari Alam,
“Babelok jalan parak tingga
Tantang bukik parantian;
Elok-elok adiak tingga
Usah bapaliang paratian
Kalupak ambiak ka timbo
Panimbo ayia nan taganang
Jo kida hapuih ayia mato
Jo suok jawek kasiah sayang.
Bakato pulo Siti Kalasun,
“Di mano oadi ka taganang
Banda dipakok bungo culan;
Di mano hati ka sanang
Sadang kasiah tuan bajalan.
Taratak gunuang oasaman
Kurinci sikumbang duo;
Taragak usah bapasan
Jo mimpi kito basuo.”
Dibungkuih samba jo nasi, kain baju baitu pulo, dibaok sado
36
