Dima duduak diam bamanuang, takana bana sakutiko, pado tantungkuik elok tilantang, elok bajalan dari kampuang, dicubo marantah nan bak urang, dijua barang mano nan ado, untuak balanjo ka bajalan, bulek pikiran samaso itu, tak guno ditahan balaruik-laruik.
Karangau mandang di hulu
Babuah di tapi pantai;
Manrantau bujang dahulu
Di rumah mangko marasai.
Hiliakan jalan ka Balantuang
Rumah sikolah tantang surau
Tampak nan darj kampuang dusun;
Kok tidak karano untuang
Tidak den pai marantau
Ibo bacarai jo Kalasun
Olak olainyo Sari Alam, bajalan balambek-lambek,hati risau pikiran kusuik, bajalan maadok pulang, iyo ka rumah mandeh kanduang, tampak si Nurani sadang manjaua, adiak kanduang balahan diri, sanan bakato Sari Alam, “Manolah adiak Siti Nurani, himbaukan mandeh suruah ka rumah, ado nan paralu denai katokan.”
Mandanga kato tuannyo, kato tidak bajawab, bajalan sakali si upiak Nurani, dihimbau mandeh sadang di parak.
Kan iyo mandeh Nurani, bajalan bagageh-gageh, hati di dalam tidak sanang, tibo di rumah langsuang masuak, diliek pandangan kiri kanan, tampak anaknyo sadang duduak, duduak baselo ditangah rumah manyapo Sutan Sari Alam,
“Datang di mano Mandeh cako.”
Manjawab mandeh kanduangnyo, “Ka ladang manuga jaguang.”
“Mano mandeh kanduang ambo, ado nan takilang pado hati, ado takana dikiro-kiro, mukasuik hati ka bajalan, dicubo bajalan ka
24
