uru, kaduo sumando kacang miang, katigo sumando langah hijau, kaampek sumando bapusako.
Nan banamo sumandi bauru-uru, itulah sumandotidak baguru, tidak batunjuak baajari, kalau bakato suko manggadang, suoknyo gadang samba tandeh, manakankan suok di rumah urang, babalanjo haram sarimih, tidak ado turun balanjo, tidak tahu kieh jo bandiang,rang sumando taba talingo, itulah sumando bauru-uru, usah Buyuang pakai nan bak kian.
Adat awak babini,sabana kito babini, baban tibodi kapalo, tidak dapek dielakkan lai, isi pariuak bareh urang, cabiak kainnyo kito ganti, tahu jo kieh jo bandiang.
Nan sumando kacang miang, parangai manggatadi rumah urang, asuang asah gili kagili, bacarai urang badunsanak, bacarai urang baranak barinduak, urang elok inyo bangih, urang kayo inyo banci, itulah urang silang kaneh, usah pulo Buyuang buek nan bak kian, kalau awak di rumah urang, kusuik lakeh salasaikan, karuah lakeh dipanjaniah, asuang asah usah dipakai.
Nan sumando langau hijau, tidak ado maraso angin,tidak tahu atah takunyah, tumbuak tanak bia di den, mamipih lado mangukua karambia, asa carai jan disabuik, itu laku langau hijau, bak langau di ikua kabau, tidak barasak kanai lac uik.
Nan sumando bapusako, tatiru pusako nabi kito,bakato lunak lambuik, raso talamo sanduak nasi, tahu pariuak tidak barisi, balanjo turun sacukuiknyo, panyaba pamaaf dipakaikan, salah saketek dimaafkan.
Kalau baranak di rumah urang, anak diasuah kanan elok, bakain suko barasiah. Kaluak paku kacang balimbiang Ambiak tampuruang lenggang lenggangkan Anak dipangku kamanakan dibimbiang Urang kampuang tenggang tenggangkan
10
