SI NONA MERAH......
95
„Kapan kaoe bilang semoca soedah diringkes!”
„Barangkali tidoer tida pake klamboe!”
Ang Hwa tinggal diam. Ia tjoba meremken matanja. Tida lama ia berseroe: „Tinah . . . . . . .!”
„Ja, nona!”
„Kasian, ja!”
„Siapa kasian?”
„Djoeragan-anom!”
„Kenapa?”
„Barangkali . . . . . . . digigitin njamoek . . . . . . .!”
„Di sini tida ada njamoek malaria, nona!”
Ang Hwa diam lagi.
Liwat bebrapa menit ia berseroe: „Tinah . . . . . . .!”
Tinah jang sabar, maskipoen keliwat ngantoek menjaoet: „Ja, nona!”
„Apa dia sekarang soedah tidoer?”
Tinah achirnja djadi tida ngantoek lagi. Baboe toea ini geli hatinja dan sekarang ia ingin menggoda si nona asing ini: „Djoeragan-anom kaloe malem tidoer laat . . . . . . . sebab . . . . . . .”
Ang Hwa laloe doedoek di randjang, begitoe djoega Tinah di divannja.
„Sebab apa, Tinah?”
„Sebab banjak jang dipikirin. Saben hari trima scerat-soerat dari nona-nona temen sekolahnja.”
„Apa banjak nona kemari?”
„O, kaloe hari minggoe sama-sama naek koeda ka Poentjak!”
Ang Hwa merah mockanja. Hatinja berdebar-debar keras. Perasaan ini ia belon pernah rasaken sadjek ia idoep 17 tahon di kolong langit.
Ia pegang oeloe hatinja, djantoengnja memoekoel terlaloe keras seperti bandoelan lontjeng maoe terlepas.
„Apa djoeragan-anom belon beristri, Tinah?”
„Belon, tapi dia maoe kawin . . . . . . .!”