86
TJILIK-ROMAN'S
ia dilabrak sampe berloemoeran darah dan dalem hilap Lien djadi ambil poetoesan jang begitoe nekat.
Njonja Roesoeh saharoesnja insjaf, bahoea perboeatannja jang sembrono telah bikin tjilaka anaknja sendiri, tapi sebagimana biasa orang rendah tida maoe mengakoeh salah dan tjoba tjari laen orang boeat ditimpahken kesalahannja, begitoelah dengen njonja Roesoeh jang anggep segala kesialan ini ada lantaran „piara” Ang Hwa.
Ang Hwa makin diseksa. Kaloe malem ia moesti pidjitin seloeroeh badannja njonja Roesoeh.
Boeat poeasken nafsoenja jang djelek dan merasa mengiri pada katjantikannja Ang Hwa, njonja Roesoeh pada soeatoe hari panggil Ang Hwa jang haroes berdiri di hadepannja dengen toendoeken kepala: „Hwa, goea tida bisa kasi makan lagi sama loe dengen pertjoema. Sekarang goea dapet satoe djalan, soepaja loe djangan bisanja gegares sadja, jaitoe loe moesti ikoet entjik A Sim!”
„Entjik A Sim?” mengoelangken Ang Hwa.
„Ja, itoe entjik jang soeka mindringken doeit. Loe tjoema perloe masak boeboer dan bikin sajoer asin. Loe soedah besar dan moesti taoe diri. Loe ikoet entjik A Sim dan haroes toeroet segala kemaoeannja.”
Maskipoen roemahnja njonja Roesoch boekan sorga, Ang Hwa djadi kaget moesti pindah ka roemahnja entjik A Sim jang ia taoe katemoe berkali-kali di Pasar Tjimatjan. Entjik ini sanget tjeriwis dan sering pegang-pegang orang poenja badan, hingga Ang Hwa merasa djemoe padanja dan sekarang mendadak sontak ia moesti tinggal sama orang jang ia bentji.
Ang Hwa menangis dan berkata: „Kaloe boleh, saja lebih soeka tinggal sama entjim!”
„Goea jang tida soedi katempatan loe lagi, me-