82
TJILIK-ROMAN'S
Sasoedah bertjakep-tjakepan sabentaran lagi, achirnja njonja Soeboer, begitoe namanja njonja toea itoe, soeka katoempangan Mina dan Ang Hwa.
Tida lama kamoedian Mina dapet pakerdjahan pada saorang Belanda dengen dapet bajaran bagoes.
Dati bajaran ini ia toendjang sewahan roemahnja nja-Soeboer jang tida sebrapa, sebab ma’loem pada djaman itoe orang sewah roemah, ƒ 2.50, soedah tjoekoep pantes dan di pinggir straat.
Mina boekan sadja telaten merawat Ang Hwa, poen pikirken peladjarannja.
Begitoelah Ang Hwa dimasoeken sekolah Belanda particulier dengen bajar saringgit satoe boelan.
Di waktoe pagi ia anterin Ang Hwa ka sekolahan dan di waktoe siang ia papak itoe anak dari roemah sekolah.
Dalem sekolahan ternjata Ang Hwa teritoeng anak jang paling pinter, Segala peladjaran ia lekas inget dan ini menimboelken rasa djeloes pada anak-anak laen jang bodoh.
Moesoeh-moesoeh tjilik ini selaloe tjari djalan boeat menghina Ang Hwa, tapi soekoer antara anak-anak jang mengiri itoe ada satoe anak jang baek hatinja, jalah Lien Nio dan selaloe melindoengin Ang Hwa dari perboeatan tida bagoes dari anak-anak nakal.
Ping Nio jang djadi biangkladi dari grombolan jang membentji pada Ang Hwa laloe adaken „boycot actie”, jalah berame-rame kaloe ditanja atawa diadjak maen, tida oesah goebris segala permintaannja Ang Hwa
Pada soeatoe hari Ang Hwa menegor pada Ping Nio: „’ntji kenapa saja dimoesoehin?”
Lantaran? loe tida poenja iboe-bapa!" menjaoet Ping Nio dengen, ketoes.
„boe saja memang soedah mati, tapi ada ganti-
