74
TJILIK-ROMAN'S
nja Pek Siong. Tapi kaloe ia inget bagimana roekoen kadoea anak itoe, ia djadi merasa kasian, bila Ang Hwa haroes dikaloearken dari itoe gedong.
Achirnja ia ambil poetoesan boeat mengoesoet lebi landjoet hal ini dari Mina jang tentoe taoe banjak riwajatnja Ang Hwa.
Maka ia laloe panggil Mina jang sigra djongkok depan toean tanah.
Sang twa-ie dan njonja Pek Siong toeroet mendengerken pertjakepan antara toean tanah dan Mina.
„Mina, tjoba loe liat ini potret siapa?"
Mina laloe memreksa dengen terliti gambar jang dioendjoek oleh Pek Siong, tapi ia tinggal diam,
„Loe kenalin dia siapa?"
„Tida, djoeragan!"
„Ah, masa? Bilang teroes-terang sadja, djangan maloe-maloe dan goea tida goesar pada orang jang djoedjoer!"
„Soenggoeh saja tida kenal ini prempoean!"
„Romannja seperti prempoean apa?"
„Ja...... seperti...... prempoean jang kalakoeannja koerang baek!"
„Djadi tegesnja satoe prempoean boengah raja, boekan?"
Ja, kira-kira begitoe, djoeragan, kerna kasatoe pake ponny dan kadoea pakeannja satengah telandjang. Orang prempoean baek-baek masa maoe dipotret begini, sedeng saja jang begini djelek, djoega tida soedi!"
„Bagoes! Apa îni prempoean soeka dateng di roemahnja sinshe A Lioeng?"
„Saja tida inget, djoeragan!"
„Ah. tjoba inget-inget dengen pelan-pelan!"
„Orang jang dateng beli obat memang banjak, djoeragan, tapi saja tida soeka perhatiken. Boleh djadi dia pernah dateng beli obat, sebab katanja obat
