SI NONA MERAH......
5
tji, tjinta jang moengkin koerang pikir, tersesat, tapi pokoh kesalahan ini terletak dari koerang pendidikan.
Satoe doea boelan pertjintaan resia ini bisa disemboeniken, tapi lambat-laoen tida moengkin, kerna Hing Nio......... telah berbadan doea, Baboe Mina siboek mentjari doekoen, obat-obatan dan laen-laen boeat bikin goegoer kandoengan itoe, tapi sia-sia belaka.
Ban Pwee jang tjioem baoe tida enak dan koeatir ketimpah amarahnja Baron Han jang berpengaroeh di Soerabaia, sasoedah ia bisa mengakali lagi bebrapa ratoes roepiah dari Hing Nio dengen bilang maoe tjari obat moestadjeb boeat poenahken „tanda noda" ini, telah merat ka laen kota.
Hing Nio menangis siang malem inget peroetnja makin lama makin besar. Sang iboe jang sore poelang tidoer, pagi brangkat lagi memboeroe „koetjing di atas tiker" tida taoe anaknja soedah boekan prawan lagi dan ampir mendjadi iboe.
Baron Han poen tida taoe hal ini, kaloe tida trima soerat boedek jang ditoelis oleh tangan oesil, lantaran ia sendiri tida kesampean maksoednja. Dalem soeratkaleng itoe djoega diseboet-seboet hal boentingan.
Bahoea Hing Nio mengiket tali pertjintaan resia sama Ban Pwee sanget boleh djadi dapet ditjioem oleh pemoeda-pemoeda jang djoega,taro hati" pada itoe gadis, tapi resia boentingan bisa botjor rada-rada orang koerang mengarti. Tapi blakangan ketahoean, bahoea Ban Pwee jang siarken sendiri pada bebrapa sobatnja jang baek dengen pesenan „djangan tjeritaken lagi", tapi sebagimana oemoem taoe, bahoea resia boekan resia lagi, kaloe ada orang kedoea mengetahoeinja. Sobatnja Ban Pwee over kabaran itoe pada laen sobat, tentoe dengen pesenan „djangan tjeritaken lagi" dan begitoe seteroesnja, sehingga
