4
TJILIK-ROMAN'S
O, wat brandt daar in de bergen,
Orang gornoeng bakar kajoe,
Waarom mijn liefde verbergen,
Orang semoen soedah taoe....!
Membatik kain met verschillende kleuren,
Dibawa orang ke Soekarame,
Nona Lief, zit toch niet zoo te treuren,
Mari kesini met me mee.
Dengen perantaraan baboe Mina jang djadi „matjomblang" achirnja gadis Hing Nio dapet berkenalan dengen pemoeda Ban Pwee.
Ban Pwee memang tjakep dan perlente, tapi males bekerdja dan selaloe rongrong iboenja jang soedah djanda dan hidoep dalem serba kekoerangan. Kaloe permintaan sang anak-manis ini tida ditoeroeti, Ban Pwee brani djoeal saroeng-badjoenja sang iboe.
Sang iboe jang terlaloe tjinta pada sang anak tida brani bertindak keras. Di waktoe masih ketjil Ban Pwee terlaloe dimandja-mandja, hingga seperti Vondel bilang: Anak di waktoe ketjil indjek-indjek pangkoean, soeda besar indjek-indjek oeloe hati orang toea!"
Ban Pwee soedah lama intjer pada Hing Nio jang ia anggep ada seekor boeroeng djinek jang ia gampang pikat. Pemoeda ini memang pande bitjara, pande keloearken tingkah jang kotjak, hingga saben- saben Hing Nio merasa geli, kaloe denger banjolannja pemoeda itoe jang terkadang diselipken bebrapa perkataan tjaboel.
Dari satoe malem ka laen malem perhoeboengan jang disaksiken oleh bintang-bintang di langit dan kadang-kadang oleh remboelan mendjadi lebih rapet. Kasoedahannja Hing Nio serahken kehormatannja pada Ban Pwee dengen penoeh rasa tjinta jang soe-
