SI NONA MERAH......
47
Satelah maksoed jang pertama gagal, ia teroes pasang mata, sebab ia pertjaja moesti ketemoe lagi Miņa di pasar.
Doegahannja ternjata tida meleset.
Pada soeatoe hari ia liat Mina dari kedjaoehan masoek ka pasar.
Sekali ini ia tida maoe menegor seperti tempo hari. Ia berlakoe lebih tjerdik dengen hanja mengoentit dari belakang.
Begitoelah achirnja ia taoe Mina masoek di seboeah roemah ketjil sabelahnja roemah-obat Tionghoa di Tjirojom.
Tapi boeat memastiken apakah bener Mina berdiam di sitoe, ia menoenggoe satengah djam di tempat rada djaoeh. Satelah meliat Mina boeang sampa kaloear, ia dapet kepastian, bahoea bener Mina boekan tetamoe" di sitoe.
Waktoe Mina hendak masoek lagi, Ban Pwee dengen menjengir tengal lekas menghamperin seraja berkata: „Loe pinter bener, Mina!”
Mina tida mendjawab orang poenja sindiran dan laloe masoek.
Tida lama kaloear dari itoe roemah saorang njonja toea jang bawa boengkoesan dan kempit pajoeng.
Dengen tida permisi lagi satelah njonja Gwan pergi, Ban Pwee laloe masoek.
Ia memanggil: „Mina! Mina. . . . . . .!”
Mina laloe kaloear dan berkata: „Saja tida kenal sama joo, lekas pergi!"
Ban Pwee ketawa terbahak-bahak dan berkata: „Hawa Bandoeng bikin loe angkoeh betoel, Mina. Kaloe loe tida kenal goea, barangkali inget bebrapa ringgitan soedah djatoh di tangannja saorang prem-