SI NONA MERAH......
45
„Aha. . . . . . . pantes dia sombong, tinggal di roemah gedong. Tentoe Hing Nio sekarang dipiara orang kaja!”
Mina menoedjoe teroes ka samping itoe gedong jang mendjoeroes kablakang.
Ban Pwee menoenggoe diloear roedji gedong sampe nanti Mina kaloear lagi.
Mina jang sabenernja tida taoe dia masoek di roemah siapa, keloearken akal jang bagoes dengen bilang pada salah satoe baboe gedong itoe, bahoea ia hendak tjari pakerdjahan.
„Oh, nja-besar masih tidoer!”
„Tida apa, saja soeka toenggoe!” menjaoet Mina jang lantes djongkok di bawah poehoen di pekarangan bela”kang itoe gedong. Saben-saben ia mengintip keloear boeat liat apa Ban Pwee masih menoenggoe atawa tida.
Ban Pwee jang menoenggoe satengah djam dan Mina masih belon keloear djoega, achirnja tinggalken itoe tempat seraja berkata seorang diri: „Tida apa. goea sekarang soeda taoe tempat tinggalnja. Laen kali goea bisa paranin dia dan tjari taoe di mana Hing Nio tinggal”"
Satelah mengetahoei Ban Pwee tida ada, Mina poera-poera maoe keloear doeloe dan begitoelah Mina pada itoe hari selamet sampe di roemah.
Njonja Gwan itoe waktoe baroe sadja maoe pergi djoealan.
„Oeah, Mina, lama djoega ini hari loe pergi ka pasar!” menegor njonja Gwan dengen soeara manis.
„Saja kesasar, nja!” mendjoesta Mina.
Njonja Gwan ketawa. Laloe kempit pajoeng ia laloe keloear.
Mina sengadja tida maoe tjeritaken hal pertemoeannja jang tida terdoegah dengen Ban Pwee.
Sedari Mina ketemoe sama lelaki boeaja itoe, ia