30
TJILIK-ROMAN'S
merosot ka batang idoengnja.
„Ini saja poenja mantoe, sinshe!" memperkenalken entjim Gwan.
Sinshe A Lioeng memandang dengen tadjem pada Hing Nio, kamoedian ia menanja: „Nonang, blapa nonang poenja oemoet sekalang?"
„Delapan blas tahoen, sinshe!"
„Ja, misih moeda...... telaloe moeda. Goea joega Tong-san lay oemoet 14 tahon sama goea poenja papa. Nonang loepanja woenting soedah toca, ja?"
Hing Nio manggoetken kepalanja.
Njonja Gwan laloe berkata: „Tjoba, nona-mantoe kasih sinshe preksa me'nja (nadinja), dia bisa taoe apa nona mantoe nanti lahirken anak lelaki atawa prempoean."
Hing Nio kasiken tangannja boeat dipreksa.
Sinshe A Lioeng pasang kombali katja-matanja jang moelai merosot lagi sampe di tengah-tengah idoeng. Sasoedah ia pegang orang poenja nadi, ia diam selakoe orang samehdi.
Saperampat djam kamoedian ia berseroe: „Ha...... anak plampoean!"
Mina jang berdamping sama Hing Nio mesém- simpoel, kerna ia tida pertjaja orang bisa taoe apa jang dikandoeng.
Tapi njonja Gwan jang pertjaja penoch laloe ber- kata: Badeannja sinshe selaloe tjotjok, nona-mantoe. Djoega dia bisa taoe orang poenja peroentoengan Kasi liat nona-mantoe poenja telapakan tangan.....
Hing Nio maen menoeroet sadja. Sinshe A Lioeng sasoedah benerken katja-matanja, laloe memereksa dengen terliti tiap-tiap goeratan tangan itoe.
Satelah ia benerken katja-matanja lagi, ia golengken kepalanja.
„Bagimana, sinshe?" menanja njonja Gwan jang
