SI NONA MERAH......
25
Tjoema saja maoe tanja dengen pendek apa saja dan joo-saja bisa tinggal disini boeat satoe doea malem?"
Eigenaar itoe lantas memanggil djongos boeat sediaken kamar oentoek para tetamoe jang baroe dateng.
Satelah doea orang itoe ada dalem kamar hotel, Hing Nio seselken Mina jang begitoe brani seboet nama jang sekarang ternjata ada orangnja.
„Ja, saja poen tida kira orangnja ada! Tapi soedahlah, barangkali Toehan Allah maoe menoeloeng kita. Laginja lebih baek kita menoempang pada orang jang pantes-pantes daripada tinggal di hotel jang paling pantes, boekan?"
Hing Nio jang kalah tjerdiknja sama baboenja tida berkata-kata poela, hanja satelah ganti pakean, laloe berbaring di randjang, lantaran ia sanget lelah.
Sakira djam 5 sore, pintoe kamar diketok dengen perlahan.
Atas seroean „M a s o e k!", pintoe diboeka dan eigenaar hotel itoe masoek......... bersama seorang njonja toea jang keliatan dari aer moekanja ada saorang jang berprangi haloes dan sabar.
Engso, ini entjim Gwan," memperkenalken eigenaar hotel itoe.
Kamoedian eigenaar hotel jang sopan itoe berlaloe tinggalken familie" ini bertjakep-tjakepan sendiri. Hing Nio boeroe-boeroe menjodja pada njonja Gwan.
„Nona ini siapa?" (Di Preangan djarang sekali prempoean toea memanggil „tjoetjoe" pada prempoean atawa lelaki moeda seperti biasa di Djawa Timoer).
Hing Nio gelagapan!
Kombali Mina jang orang Blanda bilang poenja „tegenwoordigheid van geest" alias sedia boeat goe-
