20
TJILIK-ROMAN'S
mah familienja Mina ada seperti goeboek.
Tapi apa boleh boeat Hing Nio moesti trima apa jang ada.
Makanan jang disoegoehken menoeroet anggepannja jang poenja roemah ada tjoekoep baek, tapi Hing Nio jang tida biasa makan itoe merasa ‘nak dan ia lebih banjak minoem daripada makan.
Di waktoe malem Hing Nio merasa tida enak, sebab dalem itoe roemah melaenken menjalah pelita-pelita dari minjak katjang, sedengken di gedongnja menjalah lampoe listrik menjaingin siang.
Tengah malem Hing Nio moentah-moeniah kena masoek angin dan laginja ini ada terbawa dari kandoengan.
Mina repot menoeloengin madjikannja dengen kerik sakoedjoer badannja itoe gadis.
Boleh dikataken sa-antero malem Hing Nio tida bisa tidoer poeles.
Mina tadinja berpikir boeat menoempang bebrapa hari lagi dalem itoe roemah, tapi meliat Hing Nio tida betah tinggal dalem goeboek begitoe matjem, maka esok harinja ia soedah adjak Hing Nio melandjoetken poela perdjalanannja ke Bandoeng.
Hing Nio tinggalken oeang sapoeloeh roepiah jang disamboet dengen tangan goemeter oleh itoe familie jang miskin.
Boeat marika berarti beras satoe karoeng dan oeang blandja dapoer satengah boelan. (Pada waktoe ini tjerita terdjadi beras harganja 4 à 5 cent per kilo).
Hing Nio jang perasaannja sanget haloes achirnja dapet hiboeran sendiri meliat pengidoepannja familie Kromo jang terlaloe saderhana ini.
la jang belon pernah rasaken apa artinja miskin, seperti Boedha jang dari anak radja merendahken dirinja mendjadi ,,pandji kelana” alias mengoembara
