SI NONA MERAH......
17
Gadoeng, nja-besar. Di kebonnja nja-boejoet Lak Ban betoel ada banjak poehoen mangga, tapi nja-besar tace sendiri mangga Gadoeng kaloearan Gembong (Pasoeroean) itoelah jang paling djempol!"
„Lekas loe poelang, monjet!"
„Djamboe monjet tida ada. Ah, nja-besar soeka minta jang 'ngga ada, tapi nanti saja tjariken di segala pasar. asal persenannja sadja......... rada besar, nja-besar!" menjengir Irah.
Njonja Han manggoetin kepalanja dan toeding pintoe.
„Oh, djadi nja-besar soeka dateng, ja?"
Kombali nja-besar Han manggoet, kerna koeatir kaloe ia bitjara, kombali diartiken kliroe dan memboeang tempo pertjoema.
Baron Han jang mendengerken pertjakepan itoe tida djadi ketawa.
Dalem keadaan biasa ia bisa merasa geli denger si toeli Irah poenja otjean, tapi sekarang maskipoen liat film Charlie Chaplin belon tentoe Baron Han bisa ketawa seneng.
Baron Han laloe keloear dan menggape dengen tangannja soepaja njonja Inten masoek.
„Ada apa lagi?" menanja njonja Inten dengen ketoes.
„Hing soedah tida ada!" berkata Baron Han dengen perlahan.
„Bagoes, loe oeroes bangkenja!"
Baron Han terkedjoet!
„Dengerlah, Tjin," berkata Baron Han dengen sabar (Tjin itoe ada namanja njonja Han).
Njonja Inten sedia boeat mendenger dengen roepa jang koerang sabaran. Ia tida maoe ilang tempo.
„Anak kita boekan mati, tapi merat sama Mina!"
„Hm, anak jang 'ngga maoe mampoes!" menjomel
