12
TJILIK-ROMAN'S
„Tapi bagimana kaloe besok pagi papa masoek kemari dan liat akoe belon mati....?"
„Joo aken mati boeat papa dan mama, tapi idoep boeat anak dalem peroet!"
„Hè, akoe tida mengarti, Mina?"
„Gampang sadja! Besok pagi papa dan mama joo tida ketemoeken b a n g k e nja nona Hing, sebab nona Hing soedah brangkat djaoeh!"
Hing Nio kaliatan bingoeng dan tjelangap.
„Begini, joo! Pagi-pagi kita minggat ka...... Bandoeng oepamanja."
Hing Nio keroetken djidatnja seperti orang jang hadepken soal jang soelit dipetjahken.
„Ah, Mina, akoe takoet! Akoe belon pernah keloear pintoe sendirian. Bandoeng itoe dimana sih? Apa djaoeh dari sini?"
„Lebih djaoeh dari Soerabaia lebih baek, joo! Pasrahkenlah pada saja segala oeroesan.
„Tapi bagimana nanti orang pandang kita?" menanja Hing Nio.
„Sebagi djanda-moeda jang barve ditinggal mati soeaminja.........!"
„Ja, Mina... akoe pasrahken nasibkoe padamoe....!
II. Kaloe gadis keloear pintoe.
DI WAKTOE tjocatja masih gelap dan bintang-bintang nampaknja lebih bertjahja, doea orang telah keloear dengen berindap-indap seperti takoet kapergok dari gedongnja Baron Han.
Jang satoe satengah toea dengen bawa boentelan jang diboengkoes sama kaen, sedeng jang laen djoega membawa apa-apa jang tida bisa keliatan teges di tempat gelap itoe.
