Halaman:Si Nona Merah.pdf/125

PENDEKAR „DJIKALO”

123

dikin, langganan setia dari 'ntjek Tek-gwat, maka soedah tentoe begitoe ia diminta oleh 'ntjek Tjhie Kha-louw boeat tjari dimana adanja Tek-gwat jang ditipoe oleh Bo-tjay, dengen sapenoeh tenaganja, Satrio tida segan boeat masoek desa kaloear desa mentjari Tek-gwat, siapa bener djoega achirnja bisa dikatemoeken di daerah jang letaknja djaoeh dari desa Karangsari, di mana ternjata maskipoen Tek-gwat mendjadi „tawanan” pengatjau, tetapi tida diperlakoeken sampe bisa menjilakaken djiwanja, hanja „saloemrah” sadja semoea oeang bekelannja abis diminta oleh itoe kawanan oentoek „menjokong” perdjoangannja. . . . . . .

Satrio dengen kaberaniannja jang begitoe roepa, pada soeatoe malem dengen nekat masoek dalem sarang di mana Tek-gwat disekep dan dalem serba tje- pet ia bisa lolosken Tek-gwat dan lantas adjak ini orang Tionghoa lari menoedjoe poelang ka roemahnja sendiri boeat menanti datengnja 'ntjek Thjie Kha-louw mendjoempoet sendiri pada Tek-gwat.

Pada soeatoe hari, selagi mata-hari aken silemken sinarnja, di roemahnja Tek-gwat jang sekarang bertempat di daerah jang soedah aman, berkoempoel kombali bersama isteri dan poeterinja, telah kedatengan marika poenja penoeloeng-besar jaitoe 'ntjek Tjhie Kha-louw dan pemoeda Satrio, hingga soedah tentoe koendjoengan itoe mendapet samboetan loear biasa angetnja dari itoe kaloearga jang merasa bisanja idoep teroes ada atas djasanja ini kadoea penoeloeng berboedi.

„Djangan kaoe-orang repot-repot boeat menerima kedatengan kita jang sabenernja tjoema maoe memberi selamet tinggal, kerna akoe sendiri besok pagi aken berlaloe dari ini tempat. Tentang kaoe-orang di sini tida oesah koeatir apa-apa, Satrio jang tanggoeng beriken perlindoengannja padamoe. Tentoe